مشن: راج ءَ سرشار کنگ

بلوچ ٹیک یک آئی ٹی ٹولی یے ءُ آن لائن پلیٹ فارمے کہ ایشیءِ مستریں واھگ ایش انت کہ بلوچستانءِ ورنایاں ٹیکنالوجی ءُ ٹیکنیکل تعلیمءِ نیمگءَ دلگوش بدئینت۔ اے پلیٹ فارم نودربراں موہ دنت کہ وتى ھنراں پیش بدار انت ءُ ٹیکنالوجیءِ کمکءَ بلوچی زبان ءُ دود ءُ ربیدگ ءَ دنیاءِ دیمءَ بیار انت۔

جوڑ کنوکیں زانتکار

اے تنظیم ءَ زانتکاریں چراغ بلوچ ءُ عمران بلوچ ءَ جوڑ کتگ، کہ دوئینانی واھگ ہمیش انت کہ راج ءَ ٹیکنالوجیءِ وسیلہ ءَ دیما ببر انت۔

مستریں کار ءُ پروجیکٹ

بلوچ ٹیک سرجمیں دنیا ءَ کار کنت ءُ بازیں پروجیکٹانی سر ءَ کار کنگ ءَ انت تاں ٹیکنالوجی ہر کسءِ دسترس ءَ بہ بیت:

• وش گپ میسنجر: یک محفوظیں میسجنگ پلیٹ فارمے کہ واٹس ایپ ءِ وڑا کار کنت۔ ایشیءِ ایکٹیو کارمرز کنوکانی کساس 50,000 ءَ سر بوتگ، پرچا کہ ایشیءِ تہا فون نمبر ءِ لوٹ نہ بیت ءُ پرائیویٹ انت۔

• ونڈوز بلوچی ءَ: یک مزنیں کارے کہ ونڈوز آپریٹنگ سسٹم بلوچی زبان ءَ رجانک کنگ بوتگ۔

• بلوچ بک: یک سوشل نیٹ ورکنگ ایپلیکیشن اے۔

• آن لائن بلوچی ایف ایم ریڈیو: بلوچی زبان ءَ مراگش شنگ کنوکیں پلیٹ فارم۔

• ٹیک ایجوکیشن: "بلوچ ٹیک وژن" ءِ وڑیں سافٹ ویئر نماشنی ٹیلاں اڈ داتگ تاں آئی ٹی ءِ بابت ءَ سرپدی ودی بہ بیت۔